Bakıda ikimərtəbəli yaşayış binasında səhər saatlarında yanğın qeydə alınıb.
"Ölkə.Az" xəbər verir ki, hadisə Nəsimi rayonu, Salatın Əsgərova küçəsində baş verib.

Hadisə yerinə dərhal yanğınsöndürən briqadası cəlb edilib. Səhər saatlarında sıxlıqda hərəkət edən bir neçə yanğınsöndürən hadisə yerinə çatıb. Hazırda yanğından mühafizə idarəsinin işçiləri yanğının qarşısını almaq üçün tədbirlər görürlər.
Qeyd edək ki, yanğınsöndürənlərin hərəkəti zamanı bir çox sürücü onlara yol verib.