Səbail Rayon İcra Hakimiyyəti (RİH) başçısının müavini Abit Əliyev vəzifəsindən azad edilib.

“Report” xəbər verir ki, bununla bağlı RİH başçısı Vüqar Zeynalovmüvafiq əmr imzalayıb.

V.Zeynalovun digər əmri ilə həmin vəzifəyə Vüqar Şıxməmmədov təyin olunub.

O, bundan öncə Mədəniyyət Nazirliyində şöbə müdiri vəzifəsində çalışıb.

A.Əliyevin Bakı Şəhər İcra Hakimiyyəti Başçısı Aparatında idarə rəisi təyin ediləcəyi gözlənilir.

Qeyd edək ki, Abit Əliyev Vüqar Zeynalov icra başçısı təyin edilənədək İcra Hakimiyyəti rəhbərini əvəz edirdi. O, 2016-cı ildən bu vəzifəyə gətirilmişdi.